Portada

O Monte de San Trocado está situado na provincia de Ourense, lindando coa comarca do Ribeiro, e é un monte de pequena altitude que se atopa na beira dereita do Miño central, á altura de Laias (concello de Cenlle), onde, ós pes do monte, xorden uns mananciais de augas medicinais, xusto onde hoxe se atopa o moderno balneario de Laias.
Desde a súa altitude (550 metros) pódese observar unha gran porción da comarca, destacando as vistas da Serra da Martiñá cara ó norte, e do Coto de Novelle cara ó sur.
Administrativamente, pertence ós concellos de San Amaro, Cenlle e Punxín e, na división eclesiástica, teñen parte no monte catro parroquias: Santa Uxía de Eiras, San Cibrao de Las, San Xoan de Ourantes e Santa Baia de Laias.

Naruto é unha serie manga creada por Masashi Kishimoto, máis tarde levada ao anime, sobre un ninja adolescente chamado Naruto. O manga apareceu publicado por vez primeira por Shūeisha en 1999 no número 43 da revista Shōnen Jump no Xapón, e nela continúa a súa edición cun capítulo por semana, recompilados ata agora en 42 volumes.
O éxito do manga fixo que a súa trama fose adaptada a unha serie de anime orixinalmente transmitida por TV Tokyo que só empezou a ser traducida a outros idiomas cando levaba moito tempo emitíndose no Xapón. Tanto manga como anime acadaron unha distribución notable no estranxeiro, previa á exportación, debido aos numerosos fansubs que os traduciron ao redor do mundo. Na clasificación publicada por TV Asahi dos mellores 100 animes de 2006 (en base a unha enquisa online no Xapón), Naruto obtivo o posto 17.

Francisco Añón Paz.

• 1566, morre Nostradamus; farmacéutico, astrólogo e visionario francés.
• 1578, Martin Frobisher, explorador británico, descobre no Canadá a Baía de Baffin.
• 1778, morre Jean-Jacques Rousseau, filósofo franco-suízo (n. 1712).
• 1861, celébranse os primeiros Xogos Florais na Coruña nos que resulta premiado Francisco Añón Paz.
• 1903, Cuba arréndalle aos Estados Unidos a baía de Guantánamo para a construción dunha base naval.
• 1961, morre Ernest Hemingway, escritor estadounidense.
• 1990, na Arabia Saudita, 1.426 pelegríns morren aplastados na Meca por causa dun pánico.
• 2000, remata en México a hexemonía do Partido Revolucionario Institucional (PRI) despois de 71 anos, tras gañar as eleccións presidenciais o candidato do Partido de Acción Nacional, Vicente Foix.